Хөөрхөн юмаа

Тэр өдөр цаг агаар их муухай байлаа. Цахилгаан цахиж, бороо хувингаар цутгах мэт орж байв. Бяцхан охин өглөө ээжийгээ дуудахад нойрноосоо сэрээд өглөөнийхөө цайг уун бусад өглөөний л адил сургууль руугаа алхахаар гарлаа. Цахилгаан хүчтэй цахилж нүргэлсэн дуу чимээ гарахад охины эх гэнэт сандран “охин минь замдаа явж байгаад айх бий дээ” гэж бодон машиндаа санд мэнд сандран суугаад охиныхоо араас гарав. Тэгээд охиноо замаар явж байхыг харлаа. Охин ойрхон ойрхон алхлан явж байв. Харин цахилгаан цахихад дороо зогсоод тэнгэр өөд харан инээмсэглэж байв. Ингэхийг нь ээж нь хараад эхэндээ ойлгосонгүй. Ихэд гайхан машинтайгаа дөхөж очив. Тэгээд “Үр минь энэ аймаар бороонд ганцаараа явахдаа айсангүй юу? Цахилгаан цахихаар яагаад тэнгэр өөд хараад байгааг ээждээ хэлээч” гэв. Тэгэхэд охин: “Инээмсэглэсэн юм аа. Яагаад гэвэл Бурхан миний зургийг дээрээс авч байна” гэжээ.

Үүнийг уншихаар өөрийн эрхгүй инээмсэглэдэг юм. Аягүү хөөрхөөн..

Харьцуулсан нь ...

Олон үгийн тайлбаргүйгээр хүмүүсийн хамгийн их ашигладаг имэйл үйлчилгээ үзүүлэгч 2 шууданчийн тухай орууллаа.

Нэр: Gmail
Эзэмшигч: Google, USA
Анх хэрэглээнд гарсан: 2004.04.01
Үнэ: Үнэгүй
Багтаамж: 7.5GВ
Файл дамжуулах хэмжээ: 25МВ
Хэл: 52 орны хэл
Дэмждэг броузер: Бүх броузер
IMAP болон POP3-ийг дэмждэг эсэх: IMAP, POP, POP+TLS
Хэрэглэгч нэвтэрч орохгүй удвал хаах хугацаа: 9 сар
Файл шүүх хязгаарлалт. Жнь: .exe , .zip-ийг хуулна гэх мэт: i, exe, zip

Нэр: Yahoo mail
Эзэмшигч: Yahoo
Анх хэрэглээнд гарсан: 1997.10.08
Үнэ: Үнэгүй, Үнэтэй(жилд $19,99)
Багтаамж: Хязгааргүй
Файл дамжуулах хэмжээ: 10MB-20МВ
Хэл: 27 орны хэл
Дэмждэг броузер: IE, Firefox, Google chrome
IMAP болон POP3-ийг дэмждэг эсэх: POP3
Хэрэглэгч нэвтэрч орохгүй удвал хаах хугацаа: 4 сар

Блогчин эргэж ирлээ ккк...

Хаанаас вэ гэжүү залхуугийн замбуу тивийн орноос хэхэ. Бантаал инээж байгаан. Их хоног сар өнгөрсөн байна. Анх блог нээхдээ том том юм бичээд байсан өөрөөсөө ичиж эхэлж байна шүү. Бүхэл бүтэн 4 сарын турш өөрийхөө блогийг бичих байтугай шагайгаачгүй гээд бодохоор... Хэд хоногийн өмнө дотны найзаасаа блогийхоо тухай сонсож бараг гэнэт санасан гэхэд болно. Хэхэ ийм хүн байдаг болов уу. Хамгийн сүүлд блог дээрээ бичлэг оруулахад оюутаны ширээн дээрээс бичиж байсан бол өнөөдөр би ажлын ширээн дээрээс бичиж байна. Энэ л одоогоор хамгийн том өөрчлөлт шив дээ. Ажилдаа одоогоор сайн дадаагүй нь ойлгомжтой. Байгууллага хамт олны дунд ороод ажиллахаар сайхан санагдах нь ч санагдаж байгаа. Хамгийн хэцүү нь өөрийн амьдралын хэв маягаа зохицуулж чадахгүй байгаа нь. Юу гэхээр өглөө эрт босохоос авахуулаад зовж автобус хүлээж шахцалдаж өдөр цайны цаг болтол өлсөж орой ажил тартал заримдаа нойр хүрч.. ийм өдөр хааяа үе үе тохиолдох юм. Гэхдээ ийм байлаа гээд сэтгэл санаа тийм доройтсон юм алга л даа. Удахгүй энэ бүгдийг зохицуулж дасна бас бусад хүмүүс болоод байхад би яагаад чаддаггүй юм гэсэн бодол ямар ч байсан надад байгаад байгаан. За за анх блог нээж байхад амжилт хүсэж байсан анд нараасаа блогоо нэг хэсэг хаясанд уучлал хүсээд энэ бичлэгээ дуусгалаа.

Электрон шуудангийн ажиллагаа

Харилцаа холбоогүйгээр хүн төрөлхтнийг төсөөлөхийн ч аргагүй. Мэдээж түүний чухал нэг хэрэглүүр бол Электрон шуудан байж таараа. Mail server нь e-mail – ийг нэг host-оос бусадруу илгээдэг үйлчилгээ үзүүлдэг програм юм. MTA (Mail Transfer Agent)бол электрон шууданг илгээж, дамжуулдаг компьютерийн програм хангамжийн үйлчилгээ юм. Өөрөөр хэлбэл электрон шуудангийн сервер ажиллаж байгаа компьютерийг хэлдэг. Хамгийн гол хэрэглэддэг протоколууд бол SMTP, POP, IMAP гээл өөр чухал протоколууд бас бий нь бий шүү. SMTP-Simple Mail Transfer Protocol нь Захиаг цааш нь єєр сервер лvv явуулах ажлыг хийнэ. SMTP стандарт бол электрон шуудангийн үйлчилгээ, электрон шуудангийн салшгүй нэг хэсэг бөгөөд дийлэнх электрон шуудангийн сервер нь SMTP протоколоор тодорхойлогдсон байдаг. Энэ нь хамгийн өргөн тархсан текстэд суурилсан протокол юм. Илгээгчид болон хүлээн авагчийн текст шууданг тусгайлан шууд дамжуулдаг ба бусад зүйлийг текст хэлбэрээр коодлоод дамжуулдаг. Эдгээр нь дамжихдаа заавал серверээр дамждаг байна. Хэрэглэгчид серверийн 25 – р портоор холбогддог. SMTP нь зөвхөн илгээдэг протокол тул электрон шуудангуудыг серверрүү заавал буцааж илгээхийг шаарддаг. Энэ асуудлыг серверт POP болон IMAP протоколуудыг ашиглан шийдэж болно. POP-Post Office Protocol нь Компьютерийн дотоод электрон шуудангийн хэрэглэгчид хоорондоо өгөгдөл дамжуулах үйл ажиллагааг явуулдаг протокол юм. Гаднаас ирж байгаа эмайлыг зохицуулна. Алсын электрон серверээс хэрэглэгчийн электрон шууданг TCP/IP холболтоор дамжуулдаг OSI – ийн Application түвшний интернет стандарт протокол юм. POP протокол нь дангаараа ашиглагддаггүй бөгөөд тэрээр IMAP протоколтой хамт тохируулагддаг.

Нууц

- Энэ нууц таны хүссэн бүхнийг өгч чадна. Аз жаргал, эрүүл мэнд, баялаг.

- Та хүссэн зүйлээ авч, хүссэнээ хийж, хүссэн хүн болж чадна.

- Ямар ч тамын байсан бид хүссэнээ авдаг болно.

- Та ямар байшинд амьдрахыг хүсч байна?

- Та саятан болохыг хүсч байна уу?

- Та ямар бизнес эрхэлмээр байна?

- Та илүү амжилт олохыг хүсч байна уу?

- Та үнэхээр юу хүсч байна вэ?

- Би хүмүүсийн амьдралд олон гайхамшиг тохиолдож байхыг харсан л даа. Санхүүгийн асуудал нь шийдэгдэж, эрүүл мэнд нь дээшилж, оюун санаа нь тогтворжиж бас харилцаанд нь өөрчлөлт гарсан.

- Та нууцыг хэрэглэж сурсны дараа л энэ бүх сайн талуудыг биелүүлж чадна.

Энэ бол амьдрах ухааны нууц юм.

Гайхав уу. Гэв гэнэт нууц мууц гээл. Би ийм нэг кино хаанаас ч билээ үзлээ л дээ. Үнэлгээ юу? Ер нь бол дажгүй кино байна. Бодууштай л юм билээ. Гол санаа нь өөдрөг бодол дотроо агуулж сайн сайхны төлөө тэмүүлэх мөн муу зүйл бодож түүнд бэлэн байхгүй байх тухай өгүүлсэн юм билээ. Юу ч гэсэн үзэх сонирхолтой хүн байж магадгүй гээд блог дээрээ тавьчихая гэж бодлоо л доо. Энд байгаа шүү.

Савангийн дуурь

Сүүлийн үед хүмүүсийн шимтэн сонирхоод үзээд байгаа "Эхнэрийн урхи" хэмээх кино гарч эхэлснээс хойш бараг 2 сар хүрлээ. Энэ хугацаанд миний ажигласнаар хүмүүс их орой унтаж (хэхэ.. киноноосоо болоод) ядарч их стресстэй байгаа нь анзаарагдлаа л даа. Манай нэг дүү бүр үзчээд зүрх нь өвдөөд байна гээд уурлаад хэвтээд өгч билээ. Би ч бас нуугаад яахав үзэж л байсан л даа. Ганц авууштай юм нь их тэвчээртэй зан тэндээс харагдсан даа. Даанч хэтэрхий нуршаад бүүр явж өгч байгаам. Саяхан нэг сонирхолтой судалгаа гарсан байна шд. Тухайн судалгаанд 581 хүн орж л дээ. Энэ нь "Та Эхнэрийн урхи гэдэг киног үзэж байгаа юу" гэсэн асуулт байсан байна. Түүний үр дүн нь
Нийт 57.3% буюу 333 нь “Үзэлгүй яахав, алгасахгүй ш дээ”
Нийт 20.3% буюу 118 нь “Таарвал үзчихдэг”
Нийт 11.9% буюу 69 нь “Огт үздэггүй, Korea фэн биш”
Нийт 9% буюу 52 нь “Үздэггүй, хүмүүс ярьж байхыг нь л сонссон”
Нийт 1.5% буюу 9 нь “Ямар кино байдаг юм, анх удаа л сонсож байна” гэсэн байна. Би одоо таарвал үзчихдэг гэдэгт нь л орох байх кк үзэж байсийн болохоор хэдий муулж байгаа ч гэсэн яаж үзээгүй гэдэгт орохов. Тэхдээ л арай бишээ. Ядаж л дээр хэлсэнчлэн зүрх муутай хүний зүрх нь өвдөж байгаам. Хүмүүс кино үзэж алжаал стрессээ тайлж сэргэдэг байтал ямартаа ч энэ кино эсрэгээрээ бололтой. Тэхдээ өөрөөр боддог хүмүүс ч бас байгаа байх л даа.

Эхлэл

Зиа ингээд олон сарын өмнөөс нээнээ гэж бодоол заримдаа мартаал заримдаа залхуураал байсан блог гэгч зүйлээ нээлээ дээ. Ачаалалтай өдөр байсан хэдий ч нэг л эрч хүчтэй сайхан өдөр байх чинь. За мэдээж ямарваа нэгэн юманд зорилго, шалтгаан гэж байдаг шүү дээ. Блог яах гэж нээвээ. Олон шалтгаан бий. Хамгийн энгийн нь мэдээж бусадтай санаа бодолоо солилцож цаашлаад блогтоо бусдад мөн өөртөө хэрэгтэй байх гэж бодсон зүйлүүдийг оруулах санаатай байна. Би ч тэгээд их хэнэггүй талдаа хүн дөө. Заримдаа мартчих тохиолдол гарчих гээд байдийн. Урьд нь нэг блогтой байлаа. Хаана билээ өө тийн Банжиг дээр ш дээ. Тэр ч тэгээд тэгж ингэж байгаал хөгжүүлж сайн чадаагүй устгасийм дөө. Харин энэ удаа арай хариуцлагатай хандая гэж өөртөө хэлж байна даа. Харж байна уу блог нээснээрээ ингээл өөртөө ядаж л хариуцлага тохож байна шд.